Сметов те үміткер болған: Қарағанды тумасы әлемдегі ең үздік дзюдошы атанды (фото)
Опубликовано:
Париж Олимпиадасының чемпионы Хидаят Гейдаров былтырғы жылдың қорытындысы бойынша әлемдегі ең үздік дзюдошы атанды. Бұл туралы KAZ.NUR.KZ Вестник Кавказа сайтына сілтеме жасап хабарлайды.
Басылымның жазуынша, Халықаралық дзюдо федерациясы (IJF) жариялаған "Ерлер арасындағы жылдың үздік дзюдошысы" атағы әзербайжандық Хидаят Гейдаровқа бұйырған. Осылайша, ол IJF Judo Awards 2024 сыйлығының иегері атанып отыр.
Бұл атаққа 60 келіге дейін салмақта Париж Олимпиадасының чемпионы Елдос Сметов те үміткер болған еді. Оның есімі IJF Judo Awards 2024 шорт-парағына да енген болатын.
Сондай-ақ халықаралық сарапшылар дзюдодан Әзербайжан құрамасының бас бапкері Ричард Траутманның да еңбегін жоғары бағалаған. Ол "Ерлер командасы арасындағы үздік бапкер" атанды.
Басылым 2024 жыл – Гейдаров үшін өте табысты жыл болғанын жазады. Дзюдошы Олимпиада чемпионы атанып қоймай, 73 килограмға дейінгі салмақта әлем және Еуропа чемпионы болған.
Айта кетейік, Хидаят Гейдаров 1997 жылғы 27 шілдеде Қарағандыда дүниеге келген. Алайда бала күнінде отбасымен Бакуге көшіп кеткен.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2217513-smetov-te-umitker-bolgan-azerbaizhandyq-sportshy-alemdegi-eng-uzdik-dziudoshy-atandy/