"Кастрюльге сақтаған": Ресейлік құтқарушылар Түркиядағы қиранды астынан 150 мың доллар тауып алды

Түркиядағы жер сілкінісінен соң көмекке келген ресейлік құтқарушылар қирандылардың астынан ірі көлемде ақша тауып алды. Бұл туралы Ресей Төтенше жағдай министрлігінің ресми Telegram арнасы хабарлады, деп жазады KAZ.NUR.KZ.

Ресейлік құтқарушылар жер сілкінісінен зардап шеккендерге көмек барысында қираған үйдің астынан ақша тауып алған.

Үйінділерді ақтару кезінде кастрюльге толтырып салынған жүз долларлық купюралар табылды.

Кейін қиранды астынан табылған қаражат көлемі 150 мың АҚШ долларын құрағаны белгілі болды.

Құтқарушылар бұл қаражатты дереу жергілікті полицияға тапсырған.

Қазіргі таңда Сирия мен Түркияға аттанған ресейлік құтқарушылар өз елдеріне қайта оралды.

Мақаланың түпнұсқасы: https://kaz.nur.kz/world/2009582-kastryulge-saqtagan-reseilik-qutqarusylar-turkiyadagy-qirandy-astynan-150-myn-dollar-tauyp-aldy/