"Қирандылардың 20 пайызы тазартылды": Зілзаладан кейінгі Түркияның бүгінгі жағдайы қандай
Опубликовано:
Түркиядағы зілзаладан кейін билік 85 мыңға жуық адамды уақытша баспаналарға орналастырып, үйінділерді аршу жұмыстарын жалғастырып жатыр, деп хабарлайды "Хабар 24" арнасы.
Телеарна мәліметінше, Түркиядағы жер сілкіністері салдарынан қаза тапқан 48 мың адамның 6600-ден астамы - шетел азаматы. Олардың дені – сириялық босқындар. Бұл туралы елдің ішкі істер министрі Сүлейман Сойлу мәлімдеген.
Билік үйінділерді аршу жұмыстарын жалғастырып жатыр. Бүгінде қирандылардың 20%-ы тазартылды.
БҰҰ-ның есебінше, табиғи апаттан келген шығын 100 миллиард доллардан асып кетуі мүмкін.
Еске салайық, 6 ақпан күні Түркияның оңтүстік-шығысында магнитудасы 7 балдан асатын екі жойқын жер сілкінісі болды.
Табиғи апат көршілес Сирияға да әсер етіп, онда да тұрғын үйлер қирап, адамдар үйінді астында қалды.
26 ақпанда жер сілкінісінен кейін бүлінбеген бірде-бір ғимарат қалмаған Түркияның Газиантеп провинциясындағы Нурдагы қаласының мэрі ұсталғаны белгілі болды.
- Түркияда жер сілкінісі кезінде қираған үйлерге байланысты қамауға алынғандар саны 269-ға жетті
- БҰҰ: Түркиядағы жер сілкінісінен келген шығын көлемі 100 млрд доллардан асуы мүмкін
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2012899-qirandylardyn-20-paiyzy-tazartyldy-zilzaladan-keiingi-turkiyanyn-bugingi-zagdaiy-qandai/