"Бұл үлкен батылдықты қажет етті": Макрон Навальныймен қоштасуға барған ресейліктер жайында пікір білдірді

Франция президенті Эммануэль Макрон кеше оппозиция жетекшісі Алексей Навальныйды ақтық сапарға шығарып салуға барған халықтың батылдығына тәнті болғанын жеткізді. Бұл туралы KAZ.NUR.KZ хабарлайды.

"Алексей Навальныйдың рухына тағзым етуге келу үшін үлкен батылдық қажет болды. Ол мыңдаған реселіктің бойынан табылды. Бұл оның мұрасы. Мәңгілік жадымызда", - деп жазды француз президенті X әлеуметтік желісінде орыс тілінде.

Айта кетейік, кеше, 1 наурызда Мәскеудегі "Борисов" зиратында Алексей Навальныйдың денесі жер қойнауына тапсырылды. Бұған дейін "Утоли моя печали" храмында саясаткермен қоштасу рәсімі өтті. Навальныймен қоштасуға жүздеген қарапайым азамат пен бірнеше мемлекеттің өкілдері барған.

Навальныйдың өлімі

Алексей Навальный 16 ақпанда Ресей колониясында қайтыс болды. Ол 47 жаста еді. Сол күні оның жұбайы Юлия Мюнхен конференциясында сөз сөйледі.

Кремль баспасөз хатшысы Дмитрий Песков оппозиционердің өліміне қатысты пікір білдірді: ол өлімнің себебін дәрігерлер анықтауы керек деді. Сондай-ақ, оның айтуынша, оқыс оқиға туралы Ресей президенті Владимир Путинге хабарланған.

Біз Навальныйдың өліміне әлемнің қалай қарағаны туралы жазған болатынбыз. Сондай-ақ оның өлімі туралы хабардан кейін әлемнің бірқатар қаласында митинг болды. Ресейде көптеген адам қамауға алынды.

Оппозиционердің туыстары оның денесін іздеп жатыр. Сол үшін оның анасы адвокатпен колонияға келген. Алайда ұлының денесін ала алмаған. Ал Песков Кремльде Навальныйдың денесінің қайда екені туралы ақпарат жоқ екенін айтты.

Кейін саясаткер Алексей Навальныйдың жесірі Юлия Навальная күйеуінің ісін жалғастыратынын мәлімдеп, видеоүндеу жолдады.

Еске салайық, өткен жылдың желтоқсан айының басында саясаткердің пікірлестері онымен бірнеше күн хабарласа алмағанын айтқан болатын. Бұған дейін, олардың айтуынша, ол камерада кенеттен ауырып қалған.

Желтоқсанның аяғында Навальныйдың баспасөз хатшысы Кира Ярмыш оның Ямало-Ненецк автономиялық округіндегі Харп ауылындағы ИК-3 ұшағында болғанын хабарлады. Қаңтар айының басында оппозиционер сот отырысына қатысу үшін Ямалдағы жаңа колониядан алғаш рет бейнебайланысқа шықты.