Камала Харрис АҚШ-тың басты жауы қай ел екенін айтты
Жарияланған күні:
Америка Құрама Штаттарының президенттігіне үміткер Камала Харрис Иран басқа елдердің арасында АҚШ-тың басты жауы екенін айтты. Бұл жөнінде "РИА Новостиге" сілтеме жасаған KAZ.NUR.KZ хабарлайды.
Басылым мәліметінеше, саясаткер CBS News арнасына сұқбат берген.
АҚШ вице-президенті сұқбатында "АҚШ-тың басты жауы қай ел?" деген сұраққа жауап берді.
"Менің ойымша, бұл – сөзсіз Иран", - деп жауап берді Харрис.
Ол сондай-ақ сайлауда жеңіске жеткен жағдайда, ол Иранның ядролық қаруға ие болуына жол бермеуге тырысатынын айтты.
Айта кетейік, АҚШ-та президентті сайлау 2024 жылғы 5 қарашада өтеді және ел тарихындағы 60-сайлау болады. Бұл сайлауда АҚШ-тың 47-ші президенті сайланады. Елде соңғы рет президентті сайлау 2020 жылы өткен. Ол кезде Джо Байден жеңіске жеткен еді.
Еске салсақ, АҚШ вице-президенті Камала Харрис Джо Байден бәсекеден шығатынын мәлімдегеннен кейін АҚШ-тың демократиялық партиясынан президенттікке кандидат болуға ниетті екенін мәлімдеді.
2024 жылғы 3 тамызда АҚШ вице-президенті Камала Харрис ресми түрде президенттікке үміткер атанды. Ол Демократиялық партия делегаттарынан президенттікке үміткер болу үшін жеткілікті дауыс жинады.
Мақаланың түпнұсқасы: https://kaz.nur.kz/world/2171260-kamala-harris-aqsh-tyng-basty-zhauy-qai-el-ekenin-aitty/
