Марқұм Шерзат Болаттың өліміне қатысты сот отырысы: онлайн-трансляция

Бүгін, 18 сәуірде былтыр қазанда Талғарда кісі қолынан қаза болған жасөспірім Шерзат Болаттың өліміне қатысты іс бойынша сот отырысы жалғасады, деп хабарлайды KAZ.NUR.KZ.

Бүгінгі сот отырысы сағат 10:00-ге белгіленген.

Сот отырысын Жоғары соттың Youtube арнасынан тікелей эфирде көруге болады.

Сот отырысы Талдықорған қаласындағы Жетісу облысының қылмыстық істер жөніндегі мамандандырылған ауданаралық сотының ғимаратында өтіп жатыр.

Айта кетейік, 10 сәуірде марқұм Шерзат Болаттың өліміне қатысты қылмыстық іс бойынша алдын ала сот тыңдауы өтті. 17 сәуірде басты сот талқылауы басталды.

Айыпталушылар орнында 9 адам отыр. Олардың біреуі кәмелеттік жасқа толмаған.

Басты сот талқылауында Шерзат Болаттың өлімі неден болғаны айтылды. Сондай-ақ кейбір айыпталушылардың бұрын сотты болғаны белгілі болды. Олардың кейбірі тағылған айыппен келіспейтінін, кейбірі кінәсін ішінара мойындайтынын айтты. Бір айыпталушы кінәсін мойындайтынын, алайда істе сәйкессіздіктер барын жеткізді.