Тоқаев Шавкат Мирзиеевті "Түркі әлемінің ең жоғарғы орденімен" марапаттады
Жарияланған күні:

Мемлекет басшысы Қасым-Жомарт Тоқаев Өзбекстан Республикасының президенті Шавкат Миромонович Мирзиеев "Түркі әлемінің ең жоғарғы орденімен" марапаттады, деп хабарлайды Ақорда Telegram-дағы ресми арнасы.
"Мемлекет басшысы Қасым-Жомарт Тоқаевтың ұсынысымен Түркі әлемінің бірлігін күшейтуге қосқан елеулі үлесі үшін Өзбекстан Республикасының президенті Шавкат Миромонович Мирзиеев "Түркі әлемінің ең жоғарғы орденімен" марапатталды", - делінген Ақорда хабарламасында.
Естеріңізге сала кетейік, бүгін, 3 қарашада мемлекет басшысы Қасым-Жомарт Тоқаев Түркі мемлекеттері ұйымының 10-шы саммитінде сөз сөйлеген болатын.
Саммитке Түркия президенті Режеп Тайип Ердоған, Қырғызстан президенті Садыр Жапаров, Мажарстан (Венгрия) премьер-министрі Виктор Орбан, Әзербайжан президенті Ильхам Әлиев, Өзбекстан президенті Шавкат Мирзиеев, Түркіменстанның экс-президенті Гурбангулы Бердімұхамедов қатысты.
Мақаланың түпнұсқасы: https://kaz.nur.kz/politics/universe/2044025-toqaev-savkat-mirzieevti-turki-aleminin-en-zogargy-ordenimen-marapattady/