RU

Нұр-Сұлтанда жоғалған жасөспірім табылды

Жоғалған бала
Фото: piqsels.com

Елордада кеше жоғалып кеткен 14 жастағы жасөспірім аман-есен табылды деп хабарлайды ҚазАқпарат.

Жасөспірімнің жоғалып кеткендегіні кеше волонтерлер Instagram парақшаларында жария еткен болатын.

"Барынша таратыңыздаршы. Сіздің таратқан ақпаратыңыз адамды тауып, біреудің өмірін құтқарып қалуға септігін тигізуі мүмкін. Егер қандай да бір мәліметтеріңіз болса, онда көрсетілген телефон нөмірлеріне қоңырау шалуларыңызды өтінеміз. Сонымен қатар сіз іздеу іс-шараларына, ақпаратты таратуға қатыса аласыздар", – деп өтінген еді жасөспірімді іздеуге кіріскен волонтерлер.

Бүгін жасөспірімнің табылғаны белгілі болды. Бұл жайында ақпаратпен волонтерлер бөлісіп, баланы іздеуге атсалысқан барлық жанға ризашылықтарын білдіреді.

Жарияланған фотода "Табылды. Дін аман" деген қысқаға ғана жазба бар. Баланың қайда болғаны жайлы егжей-тегжейлі еш ақпарат жоқ.

Еске салсақ, 14 қаңтарда Атырау облысында секундына 18-19 метрге дейін жететін қатты жел соғып, тұрғын үйлер мен ғимараттардың шатыр бөліктерінің қирау оқиғалары орын алды.

Облыс аумағында желдің күшеюіне байланысты орын алған төтенше жағдайды жою жұмыстарын ұйымдастыру үшін департаменттің жедел штабы құрылған болатын. Қатты жел салдарынан Қызылқоға және Жылыой аудандарында тұрғындардың жоғалу фактілері тіркелді.

Мақаланың түпнұсқасы: https://kaz.nur.kz/society/1894154-nr-sltanda-zogalgan-zasspirim-tabyldy/