Top.Mail.Ru

Сайт нұсқасы

ru kz

Зектілері

Бүгін елімізде 13 жылдан бері алғаш рет Республика күні атап өтілуде

Опубликовано:

Тәуелсіздік монументі
Тәуелсіздік монументі. Көрнекі фото: NUR.KZ/Владимир Третьяков

Бүгін, 25 қазанда Қазақстанда соңғы 13 жылда алғаш рет Республика күні атап өтілуде. Бұл күн 2009 жылдан бері ұлттық мереке ретінде тойланбаған, ал биыл президенттің бастамасымен оған бұрынғы мәртебесі қайтарылды, деп жазады KAZ.NUR.KZ.

Республика күні алғаш рет 1995 жылы қазан айында ұлттық мереке болып жарияланды. 1990 жылы 25 қазанда Қазақ КСР Жоғарғы кеңесінің № 307-XII Жарлығымен Қазақ КСР-нің Мемлекеттік егемендігі туралы декларация қабылданған болатын.

Декларацияда Қазақстанның егемендігі жарияланып, елдің тәуелсіз мемлекет ретіндегі саяси-құқықтық негіздері белгіленді.

2001 жылы Республика күні ұлттық мереке мәртебесінен айырылып, мемлекеттік мерекелер санатына ауыстырылды, ал 2009 жылы мереке толығымен жойылды.

Алайда биыл шілдеде өткен Ұлттық құрылтайдың бірінші съезінде президент Қасым-Жомарт Тоқаев Республика күніне ұлттық мереке мәртебесін қайтаруды ұсынды.

Қыркүйек айының ортасында парламент "Қазақстан Республикасындағы мерекелер туралы" заңға түзетулер қабылдады. Құжатқа сәйкес, 25 қазан – Республика күні ұлттық мерекеге, ал Тәуелсіздік күні – 16 желтоқсан мемлекеттік мерекеге айналды.

Биыл Республика күніне орай елімізде үш күн – 23, 24 және 25 қазан демалыс күндері болып белгіленді.

Бұған дейін хабарланғандай, Астанада Республика күніне орай мерекелік отшашу болады.

Сонымен қатар, қала тұрғындары мен қонақтары үшін мерекеге орай 200-ден астам түрлі іс-шаралар өткізу жоспарланған, оның ішінде түрлі концерттер, көрмелер, еңбек ардагерлерімен кездесулер, театр фестивалі мен атқа міну.

Мақаланың түпнұсқасы: https://kaz.nur.kz/society/1994177-bugin-elimizde-13-zyldan-beri-algas-ret-respublika-kuni-atap-otilude/

pixel