Құранды қолмен жазып шыққан әйгілі шейх Осман Тоhа Шымкентке ұшып келді
Опубликовано:
Құранды қолымен жазып шыққан әйгілі саудиялық каллиграф шейх Осман Тоһа Қазақстанға ұшып келді. 93 жастағы ақсақал Шымкентте жаңа мешіттің ашылуына қатыспақ, деп жазады KAZ.NUR.KZ тілшісі.
Шейх Осман Тоһаның Қазақстанға келгені Instagram-дағы islamiyat_media парақшасынан белгілі болды.
"Шейх Осман Toha, ұлты қазақ. Құран кітабын қолымен жазған. Бүгін Шымкентке "Сейтжан қари" мешітінің ашылуына ұшып келді", - делінген видео сипаттамасында.
Қазақстан мұсылмандары діни басқармасы өкілдері шейх Осман Тоһаның Қазақстанға келгенін растады.
"Ол кісі ұшып келді. Бұйырса 24 мамырда Шымкентте мешіттің ашылу салтанатына қатысады деген жоспары бар", - деді мүфтият өкілі.
Айта кетейік, Мәдина қаласында тұратын әйгілі шейх, Сауд Арабиясында жыл сайын миллиондаған тиражбен басылып шығатын Құран кітабын және оның бірнеше тілдегі аудармасын қолмен жазған әйгілі каллиграф Осман Тоһаның қазақ екені туралы бұған дейін ақпарат шыққан. Каллиграфтың шаңырағында болып қайтқан қазақстандық дінтанушы Аманкелді қажы Еренғайыпұлы оны ақсақалдың өз аузынан естігенін айтқан еді.
- Елімізде микроқаржылық ұйымдардың несие проценті төмендейді
- Қазақстанда жұбайының рұқсатынсыз 3 млн 700 мың теңгеден асатын несие берілмеуі мүмкін
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2105841-qurandy-qolmen-zhazyp-shyqqan-aigili-sheih-osman-toha-shymkentke-ushyp-keldi-video/