Мұхаммедсабыр Базарбайұлы Азия чемпионатының жартылай финалына шыға алмады

Қазақстандық боксшы Мұхаммедсабыр Базарбайұлы Таиландтағы Азия чемпионатының ширек финалында жеңіліп қалды. Бұл туралы KAZ.NUR.KZ хабарлайды.

Мұхаммедсабыр Базарбайұлы 63,5 кг салмақ дәрежесіндегі ширек финалда таиландтық Сомчай Вонгсуванмен кездесті. Бұл жекпе-жекте Мұхаммедсабыр 4:1 есебімен жеңіліске ұшырады.

Айта кетейік, Мұхаммедсабыр Базарбайұлы биыл жазда Париж Олимпиадасына қатысып, ширек финалға дейін жеткен еді. Сондай-ақ ол жастар арасындағы Азия чемпионы.

Бүгін, 6 желтоқсанда тағы 3 қазақстандық боксшы ширек финалдық жекпе-жек өткізген еді. Санжар Тәшкенбай тәжікстандық Мехрон Шафиевті жеңді. Сәкен Бибосынов өзбек боксшысы Асылбек Жалиловқа есе жіберіп, жарысты аяқтады. Ал Махмұд Сабырхан Шри-Ланка өкілі Джаятнатх Кумардан басым түсті.

Мәтіннен қате тапсаңыз, бізге жазыңыз