"Техниканы шыңдап жатырмыз": Шавкат Рахмонов жаттығу барысын көрсетті (видео)

Қазақстандық аралас жекпе-жек шебері Шавкат "Номад" Рахмонов келесі жекпе-жегіне дайындалып жатыр. Бұл туралы KAZ.NUR.KZ тілшісі хабарлайды.

"Номад" Instagram желісіндегі Stories-ке Dar Team командасының залында жаттығып жатқан сәтінен видео жариялады.

"Техниканы шыңдап жатырмыз", - деп жазды қазақстандық файтер.

Айта кетейік, Рахмонов соңғы жекпе-жегін 2023 жылы желтоқсанда Лас-Вегас (АҚШ) қаласында өткізіп, америкалық файтер Стивен Томпсонды екінші раундта мерзімінен бұрын жеңген болатын. Осылайша, MMA спортындағы 18-жеңісіне қол жеткізді.

Шавкат келесі жекпе-жегін күзде өткізуді жоспарлап отырғанын мәлімдеді. Оның қарсыласы әлі белгісіз. Қазақстандық файтерді аустралиялық спортшы Джек Делла Маддалена (17-2) жекпе-жекке шақырған болатын.

Еске салайық, Шавкат Рахмонов алғаш рет cалмақ дәрежесіне қарамастан үздік 20 файтердің рейтингіне (P4P) енді.