Елена Рыбакина Торонтодағы турнирден шығып қалды

Қазақстанның бірінші ракеткасы, Уимблдон турнирінің жеңімпазы Елена Рыбакина Торонтодағы жарыс жолынан шығып қалды, деп хабарлайды Sports.kz.

Отандасымыз турнирдің 1/16 финалында қалт кетті. Оның қарсыласы Үлкен дулыға турнирінің екі дүркін финалисі, 18 жастағы америкалық теннисші Кри Гауфф (әлемнің 11-ракеткасы) болды. Жас спортшы отандасымыздан үш сетте де басым түсті. Есеп 4:6, 7:6, 6:7.

Матч екі сағат елу минутқа созылды.

Айта кетейік, биыл отандасымыз Елена Рыбакина алғаш рет "Уимблдон" турнирінің жеңімпазы атанды. Финалда ол әлемнің 2-ракеткасы, тунистік Онс Жаберді жеңді.

Рыбакинаны жарқын жеңісімен құттықтаған мемлекет басшысы Қасым-Жомарт Тоқаев оған Қазақстан туы астында сәтті өнер көрсеткені және халықаралық аренада еліміздің абыройын асқақтатқаны үшін алғыс айтқан.

Сондай-ақ Елена Рыбакинаның Уимблдондағы жеңісі үшін берілген Қазақстан теннис федерациясының сыйақысынан бас тартқаны белгілі болды.

Одан бөлек, президент жарлығымен Елена Рыбакина ІІ дәрежелі "Достық" орденімен марапатталды.