Азиада-2023: қазақстандық гандболшылар алғашқы жеңісіне қол жеткізді
Опубликовано:
Ханчжоуда жазғы Азия ойындары жалғасып жатыр. Бүгін Қазақстанның гандбол құрамасы турнир аясындағы алғашқы жеңісіне қол жеткізді, деп хабарлайды KAZ.NUR.KZ.
Гандболдан Қазақстан құрамасы Өзбекстанға қарсы кездесу өткізді. Матч 31:27 есебімен қазақстандық гандболшылардың пайдасына аяқталды.
Еске сала кетейік, Қазақстан алғашқы ойынын Бахрейнге қарсы өткізген болатын. Кездесуде біздің спортшылар 22:45 есебімен жеңіліс тапқан еді.
Айта кетейік, Азия ойындары 23 қыркүйек пен 8 қазан аралығында өтеді. Оған 500-ден астам қазақстандық спортшы қатысуда.
Қазіргі уақытта ел қоржынына үш медаль түсті.Дзюдодан Абиба Әбужақынова Азия ойындарының күміс жүлдегері атанса, Мағжан Шамшадин қола жүлдесіне ие болды.
Сондай-ақ қазақстандық мерген Николай Чирюкин нысана көздеуден қола жүлдені жеңіп алды.
- Өзбек қызын айқын басымдықпен жеңген Эсмигүл Куйюлова Азия ойындарының қола жүлдесін сыйлады
- Азия ойындары: Данияр Шамшаев кіші финалда моңғол балуанына есе жіберді
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2038011-aziada-2023-qazaqstandyq-gandbolsylar-algasqy-zenisine-qol-zetkizdi/