Азиадаға алғаш рет қатысқан 16 жастағы Екатерина Таранцева қола жүлде жеңіп алды

Азия ойындарында слаломда ескек есуден ел намысын қорғаған 16 жастағы Екатерина Таранцева Қазақстанға қола медаль сыйлады, деп хабарлайды KAZ.NUR.KZ.

Қазақстандық спортшының көрсеткіші- 111.71 секунд. Алтын медаль Тайпей өкіліне бұйырды. Күміс жүлде қытайлық спортшының еншісінде.

Бұған дейін ерлер арасындағы сында тағы бір отандасымыз Александр Куликов та қола жүлдегер атанды.

Бүгін, 6 қазанда бірнеше қазақстандық спортшы Азия ойындарының финалына жолдама алды.

Каратэші Қайсар Алпысбай 60 келіге дейінгі салмақта жартылай финалда индонезиялық Ари Сапутраны жеңіп, Азиаданың ақтық сынына шықты.

Сондай-ақ отандасымыз Жәмилә Бақбергенова құрлықтық доданың финалында алтын үшін күреседі.

Джиу-джитсудан ел намысын қорғап жатқан Галина Дуванова бірінші орын үшін үш дүркін чемпионы Анние Рамирезбен (Филиппин) күш сынасады.

Мәтіннен қате тапсаңыз, бізге жазыңыз