Қазақстандық аралас жекпе-жек шебері Асу Алмабаев америкалықтарға қазыдан дәм татқызды. Бұл туралы KAZ.NUR.KZ Асу Алмабаевтың Instagram-дағы ресми парақшасына сілтеме жасап хабарлайды.
Асу Алмабаев 9 наурызда Майамиде (Флорида штаты) өтетін UFC 299 турнирі аясында жекпе-жек өткізеді. Оның қарсыласы – америкалық файтер Си Джей Вергара.
Бұл кездесуге Алмабаев АҚШ-тағы Kill Cliff FC спорт залында Генри Хуфт және Саид Сапаровтың жетекшілігімен дайындалып жатыр. Ол жаттығу барысында америкалықтарға қазыдан дәм татқызды. Қазақстандық файтер Instagram Stories-ке жариялаған видеодан бразилиялық жекпе-жекші Гилберт Бернс, мьянмалық спортшы Аунг Санг және жаттықтырушы Генри Хуфт қазы жеп тұрғанын көруге болады.
"Асу және Шавкат, жылқының еті өте жақсы екен, рақмет!", – деп жазды Аунг Ла Н Санг Instagram-дағы Stories-іне.
Осыған дейін Асу Алмабаевтың бапкері бразилиялық файтер Гилберт Бернсқа қазақстандық шоколад сыйлаған еді. Сондай-ақ Асу Алмабаев UFC-дегі келесі жекпе-жегіне "Жұмыр қылыш" күйімен шығатын айтты.
Мақаланың түпнұсқасы: https://kaz.nur.kz/sport/other-sports/2061294-asu-almabaev-amerikalyq-faiterlerge-qazy-usyndy/
