Түркияның Адыяман провинциясындағы жартас қақ бөлінді
Опубликовано:
Түркияның Адыяман провинциясында жартас қақ айырылып, маңайында орналасқан ауыл тұрғындары қауіпсіз жерге көшірілді, деп хабарлайды 24.kz
Адыяман - провинциясы жойқын зілзаладан ең қатты апатқа ұшыраған үш өңірдің бірі. Жер сілкінгенде бұл жартас қақ бөлінген еді.
Телеарнаның хабарлауынша, жер сілкінісінен 9 күн өткеннен кейін жартас одан бетер қирап, тұрғын үйлерге қауіп төндірді. Жойқын зілзаладан кейін ел аумағында 4300-ден аса жер асты дүмпуі тіркелді.
Түркия төтенше жағдайлар агенттігінің мәліметіне сенсек, бүгінде қаза тапқандар саны 38 мыңнан асты. Құтқару жұмыстары әлі де жалғасып жатыр. Кахраманмарашта 248 сағаттан кейін 17 жасар қыз, Антакияда 228 сағаттан кейін 13 жастағы ұл бала үйінді астынан аман-есен шығарылды. Осылайша құтқарылғандар саны 108 мыңнан асты. Елімізден барған құтқарушылар өздеріне тапсырылған нысандардағы жұмысты аяқтап, әріптестеріне көмектесуде.
Еске сала кетейік, Түркияның Хатай провинциясында тағы да 5,1 баллдық жер сілкінісі тіркелді.
- Түркия мен Сирияда жер сілкінісінен қаза тапқандар саны 44 мыңнан асты
- "Бетонға қысылып қалған": Түркияда қиранды астында 261 сағат жатқан екі ер адам құтқарылды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2009787-turkiyanyn-adiyaman-provinciyasyndagy-zartas-qaq-bolindi/