Боксшы Карина Ибрагимова Азия ойындарының күміс жүлдесіне ие болды
Опубликовано:
Қазақстандық боксшы Карина Ибрагимова Азия ойындарының күміс жүлдегері атанды. Отандасымыз финалда Тайбэй спортшысына есе жіберіп қойды, деп хабарлайды KAZ.NUR.KZ.
Карина Ибрагимова 57 келі салмақ дәрежесінде финалда Тайбэй спортшысы Лин Ю Тиннен жеңіліп, құрлықтық доданың күміс жүлдесін еншіледі.
Айта кетейік, джиу-джитсудан 5 қазан күні ел қоржынына бір алтын, екі күміс медаль салынды
69 келіде бақ сынаған Нұржан Батырбеков финалдық сайыста екі дүркін Азия чемпионын жеңіп, Азия ойындарының алтын жүлдегері атанды .
62 келіде әлем чемпионатының екі мәрте қола жүлдегері Мансұр Хабибулла қола үшін өткен бәсекеде филиппиндік Марк Александер Лимді (Филиппин) 6:2 есебімен ұтты.
Сондай-ақ, 69 келі салмақта белдескен Алдияр Серік сингапурлық қарсыласын ұпай санымен жеңіп, Азия ойындарының қоласын жеңіп алды.
Сондай-ақ каратэшілер де ел қоржынын бір алтын мен бір күміспен толықтырды.
Нұрқанат Әжіқанов Азиаданың алтынын жеңіп алса, Лаура Әліқұл күміс жүлдеге ие болды.
- Әлімхан Сыздықов грек-рим күресінен Азиаданың қола жүлдегері атанды
- Каратэші Лаура Әліқұл Азия ойындарының күміс жүлдесін жеңіп алды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2039752-bokssy-karina-ibragimova-aziya-oiyndarynyn-kumis-zuldesine-ie-boldy/