Азия ойындарында академиялық ескек есуден ерлер арасындағы жекелей жарыстың А финалы өтті. Ақтық сында қазақстандық Владислав Яковлев бесінші болды, деп хабарлайды KAZ.NUR.KZ.
Академиялық ескек есуден өткен финалда бірінші орынды қытайлық Лианг Жанг алды. Оның көрсеткіші — 6 минут 57,06 секунд.
Ал қазақстандық Владислав Яковлев бесінші болды. Оның көрсеткіші - 7:20.99.
Айта кетейік, Азия ойындары 23 қыркүйек пен 8 қазан аралығында өтеді. Оған 500-ден астам қазақстандық спортшы қатысуда.
Дзюдодан ел қоржынына екі медаль түсіп үлгерді. Абиба Әбужақынова Азия ойындарының күміс жүлдегері атанса, Мағжан Шамшадин қола жүлдесіне ие болды.
Сондай-ақ қазақстандық мерген Никита Черюкин Азия ойындарының финалына жолдама алған болатын.
Оған қоса қазақстандық жүзгіш Әділбек Мусин да Азия ойындарының финалына шыққанын хабарлаған болатынбыз.
Мақаланың түпнұсқасы: https://kaz.nur.kz/sport/other-sports/2037947-aziada-2023-qazaqstandyq-sportsy-eskek-esuden-uzdik-bestikke-endi/
